| 繼05年政改方案被泛民否決後
2010又黎政改啦!
先說明自己立場
我是反對今次政改方案,本人深信起錨不成
唔講廢話,以下乃今次政改方案的流弊及反映中共缺乏誠意的一面
1.未有清楚定義何為普選.
之前副秘書長喬曉陽講過「我理解普選核心內容，就是保障人人享有平等的選舉權……不因財產、性別和種族差異，而導致選舉權的不平等。」
其實香港人目中既普選除了一人一票既選舉權外,仲包含埋提名權.
如果中央委任唐唐,梁振英,葉劉比我地一人一票出黎選,又有乜意思?
係要自己提名我地心目中既候選人出來,才是真正的民主,真正的普選
中央一日唔講清楚,我地都好難比個心出黎,因為佢已經誠信破產
遲d再人大釋法.所以,我地既要選舉權,亦要提名權,否則中央繼續委任傀儡管治香港
2.未有清晰路線圖何時廢除功能組別
功能組別既不公平,0票當選,政治特權,否則大量民生議題(基於分組點票制)
依個制度既不公平其實係無容置疑
除非功能組別都係由直選產生,咁樣就附合副秘書長喬曉陽普選核心內容"保障人人享有平等的選舉權".
而家有d人因為有公司票,董事票,咁樣就有幾票去投,完全違反普選核心內容.但係,要知道功能組別有30席
直選功能議席即係每人有30票+多1票(地區直選),可以知道係無可能既事
其實,基本法訂明07/08香港人可以自己選擇功能組別既存廢,但係依家已經係2010
功能組別絕對係阻礙實行民主,普選既大牆
3.增加立會議席,功能組別及直選各增加5席
功能組別個5席就係撥去比區議會
區議會議員就互選代表入立法會
中央就所稱為簡選,所謂擴大民主成份
仲同美國既選舉相題並論
第一點:我選區議員唔代表我選立法會議員架wor
我選你出黎可能係貪你平時地區工作夠落力,同你入唔入立法會係無關
第二點:我選區議員個陣係未知有d咩區議員會競選做立法會議員
換言之,間選本意係我選A,因為A就會幫我投B,咁樣A就代表左我
但係事實上,我投A個陣,我係唔會知道A會幫我投邊個做立法會議員,因為2個選舉既時間係唔吻合,事前唔知有咩人會參選,何來間選?
再者,終極目標係廢除功能組別,你仲要整大佢..想點?
4.特首既選舉委員會由800人去到1200人
係每個界別加多100人...我唔覺得會影響到D乜
個100人咪又係個個界別被人委任
係就開個介別叫基層人士,比100個代表入去
咁就都有D聲音入到選舉委員會
800->1200都係小圈子選舉
香港政治制度的確有好多弊病,基於好多歷史因素
所以我地要一個全面既政改去進步
好似民主大國美國既政治體制都有好多漏洞
都係透過不斷進步,修改,先可以填補漏洞,但基於改變,
漏洞永遠會不斷出現
所以冇一個制度係最好的
只有不斷進步既政制先可以確保社會穩步發展
諷刺既係,今次政改係退步,香港政制將會再一步退化.
見到今時今日民主黨退到咁樣
仲話考慮支持今次政改方案
有係有D心灰意冷
唔好人地比粒糖你,好似向前行左小小,
就放棄晒自己同人BARGAIN既條件,同埋一開始參選既政綱-普選
過程有幾多糖唔係重點
即係可能真係會多左小小民主
但係絕對唔可以放棄終極既目標-普選
PASS左今次政改之後,泛民可以係四分五裂
到時中央係之前答應過既野上面加上無限咁多條件
你地又可以點?到時退無可退既時候,中央比小小甜頭都要搖頭擺尾說謝謝
泛民,求下你唔好背棄選民(雖然我仲未投過第一次票)
團結才會有得跟中央BARGAIN
民主係社會既基本契約,人民既權利
我地要做既野唔係去乞求民主,係爭取民主
係一個由中共統治下既地區爭取民主絕對唔係一件容易既事
無可能一次就成功,失敗乃兵家常事
對民主要有一份堅持
今次623我會站出來
ref:http://www.cmab-cd2012.gov.hk/doc/package/package_c.pdf
SIDE PT.:見到曾特首拉晒成隊問責官員係到宣傳政改
見到佢地講黎講去都係洗腦式口號:向前行,唔要原地踏步,香港已經停左好耐(3句係差唔多意思),加多句起錨.
咁樣叫宣傳?係sell野就講下你講得今次政改有乜咁好,點解通過比否決好...但係你無咁做...我唯一解釋就係可能政府都覺得理虧.
同一句野講九萬幾次,但係都係冇content.香港市民冇咁onX.唔會比你洗腦架
p.s我鍾意董伯伯多過donald
|
